“Gürcü Arzusu”nun lideri və baş nazir İrakli Kobaxidze keçmiş komanda yoldaşı, həbsdə olan sabiq baş nazir İrakli Qaribaşvilinin məktublarına münasibət bildirib və deyib:

“Bu məktublarla bağlı deyə biləcəyim yeganə şərh budur ki, bu, həm gülüncdür, həm də faciəvidir”, – İrakli Kobaxidze sentyabrın 7-də jurnalistlərə bildirib.

“Sadə etik mülahizələrdən irəli gələrək məsələnin daha dərininə getməyəcəyəm”, – deyən Kobaxidze, bununla belə, əlavə edib:

“Məktubların özünün məzmunu o qədər qeyri-ciddidir ki, bu da mənə ciddi şəkildə hər hansı şərh verməyə imkan vermir”.

“Yalan kampaniyası”
“Yalan kampaniyasının arxasında kim dayanır?” – sualını dəqiqləşdirmək məqsədilə jurnalist, ehtimal ki, “Gürcü Arzusu”na qarşı yönəlmiş tənqidi kampaniyanın “mühafizəkar qanadını” nəzərdə tutaraq, bunun arxasında “Gürcü Arzusu”nda İrakli Qaribaşvilinin dayandığının düşünüldüyünü bildirib. Kobaxidze isə belə cavab verib:
“Yəni, belə məlumatları, belə saxtakarlığı kim yayırsa, arxasında duran da odur. Bu, gizlədilən bir şey də deyil, asanlıqla üzə çıxır. Elə qüvvələr var ki, o qədər də yaxşı reputasiyaya malik deyillər”.

Kobaxidze bunun “konkret bir media vasitəsi” olduğunu bildirib – ehtimal ki, “Asaval-Dasavali”ni nəzərdə tutub, lakin onun adını çəkməyib və sonda deyib:
“Keçmiş baş nazirin konkret qaranlıq bir qəzetin bloqçusu səviyyəsinə enməsi çox təəssüf doğurur. Bu, çox təəssüfverici və faciəvi hadisədir”.

Qaribaşvilinin məktubu və “Asaval-Dasavali”
Sentyabrın 1-də həbsxanadan yayılan məktubunda İrakli Qaribaşvili bildirib ki, fevralın 12-də İrakli Kobaxidze və Mamuka Mdinaradzenin göstərişi ilə ona həbsxanaya “Asaval-Dasavali” qəzetinin fevralın 2-də çıxan nömrəsini göndəriblər. Həmin nömrədə hüquq müdafiəçisi kimi təqdim olunan Lazare Corbenadze ilə müsahibə dərc edilib.

Corbenadze iddia edirdi ki, “David-Qareci satılıb” və belə bir sənədi öz gözləri ilə görüb. O, İrakli Kobaxidzenin fəaliyyətini tənqid edir, İrakli Qaribaşvilini isə müsbət təqdim edirdi.

“Qəzet mənə iddialı bir mesajla birlikdə təqdim edildi. Həmin mesajda tamamilə yanlış təsəvvürə əsaslanan şübhə ifadə olunmuşdu – görəsən, adıçəkilən məqalənin arxasında mən dayanmışam?” – Qaribaşvili yazırdı.

“İndi artıq mənim üçün mənzərə aydındır və bütün məsələlərə cavab verilib: niyə məktubun ilk bəndinə ‘Dito Çubinidze və İrma İnaşvili kimi tərəfdarların’ ciddi şübhələr yaratdığı və Kobaxidze-Mdinaradze komandasının maraqlarına ciddi zərər vurduğu yazılıb”, – Qaribaşvili avqustun 1-dəki məktubunda yazırdı.

“Corbenadzeyə yalan yaydırıblar” – Kobaxidze
İrakli Kobaxidze bu gün bildirib ki, Corbenadzenin David-Qareci ilə bağlı dedikləri yalandır.

“İnsan dünyasını dəyişib, indi onun haqqında hər hansı belə söz demək istəmirəm. Lakin fakt budur ki, onun vasitəsilə asanlıqla ifşa edilə bilən çox sadə bir yalan yayılıb”, – Kobaxidze sentyabrın 7-də Lazare Corbenadze haqqında danışarkən bildirib.

“O, imzalanmış konkret bir müqavilədən danışırdı. Belə bir müqavilə gizli şəkildə bağlana bilməz. Hökumətin bütün qərarları, bütün aktları açıq və şəffafdır. Belə bir razılaşmanın heç biri gizli şəkildə imzalana bilməz”, – deyib.

“Bu adama çox sadə bir yalan yaydırıblar... O, faciəvi bir şəxsdir və daha sonra həyatına intihar etməklə son qoyub. Bununla bağlı onun ailə üzvünün ifadəsi və sair var. Bu barədə danışmaq etik deyil”, – Kobaxidze bildirib.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.