Milli Qida Agentliyi ölkə üzrə qanunsuz və qeydiyyatdan keçməyən müəssisələrin aşkarlanmasını davam etdirir.

Agentliyin Acarıstan Departamentinin müfəttişləri Kobuleti bələdiyyəsində ictimai iaşə obyektlərini yoxlayıblar. Planlaşdırılmamış yoxlama nəticəsində fərdi sahibkarlar – Kobuleti, Rustaveli II döngə, 13 ünvanında fəaliyyət göstərən N. M.-nin və Kobuleti, Azadlıq küçəsi 26 ünvanında fəaliyyət göstərən A. N.-nin yeməkxanalarında, həmçinin Kobuleti, Abaşidze küçəsi 376b ünvanında yerləşən M. G.-nin kafe-barında kritik uyğunsuzluqlar aşkarlanıb.

Obyektlərdə, həmçinin etiketləmə qaydalarının pozulması və İqtisadi Fəaliyyətlər Reyestrində qeydiyyatın olmaması müəyyən edilib. Biznes operatorları cərimələnib və onların istehsal prosesi dayandırılıb.

Kritik uyğunsuzluqlar Agentliyin İmereti Departamentinin müfəttişləri tərəfindən də aşkarlanıb. Kutaisidə, Tamar Mepe küçəsi 7 ünvanında “Baraqa” adı ilə fəaliyyət göstərən “Kozi 1994” MMC (VÖEN 412797308) təkrar kritik uyğunsuzluqlara görə 5 000 lari məbləğində cərimələnib və konkret istehsal prosesi dayandırılıb.

Şida Kartli Departamentinin müfəttişləri yarımfabrikatların qanunsuz istehsalı ilə məşğul olan müəssisə də aşkarlayıblar. Kaspi şəhəri, Kojri küçəsi 24a ünvanında yerləşən “Leçe” MMC (VÖEN 432543740) yarımfabrikatları İqtisadi Fəaliyyətlər Reyestrində qeydiyyatdan keçmədən istehsal edib.

Bununla yanaşı, biznes operatorunda etiketləmə qaydalarının pozulması və kritik uyğunsuzluqlar müəyyən edilib. Sözügedən qanun pozuntularına görə “Leçe” MMC cərimələnib və istehsal prosesi dayandırılıb.

Milli Qida Agentliyinin açıqlamasına görə, istehlak bazarının təhlükəsiz qida ilə təmin olunması üçün biznes operatorunun qanunvericiliyə uyğun olaraq qeydiyyatdan keçməsi vacibdir. Çünki qanunsuz və qeydiyyatdan keçməyən müəssisələrdə dövlət nəzarətinin həyata keçirilməsi mümkün deyil.

Agentliyin izahına görə, belə müəssisələrdə qida təhlükəsizliyi standartlarına əməl olunmasını təmin etmək mümkün olmur. Bu isə həm biznes operatorlarının ailə üzvlərinin, həm də digər istehlakçıların sağlamlığı üçün təhlükə yaradır.

Milli Qida Agentliyi istehlakçıların sağlamlığının qorunması məqsədilə ölkə üzrə qeydiyyatdan keçməyən müəssisələrin aşkarlanmasını və onlara dövlət nəzarətinin həyata keçirilməsini davam etdirir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.