Bu gün ABŞ-də 2001-ci il sentyabrın 11-də törədilmiş terror aktlarının 25-ci ildönümüdür. Həmin gün "əl-Qaidə" terror təşkilatının üzvlərinin qaçırdığı sərnişin təyyarələri Nyu-Yorkdakı Dünya Ticarət Mərkəzinin iki qülləsinə çırpılıb, qüllələr dağılıb.

Pentaqonun binasına daha bir təyyarə çırpılıb.

Dördüncü təyyarədəki sərnişinlər idarəetməni geri almağa cəhd edib, bundan sonra təyyarə qaçıranlar onu yerə yönəldiblər. Təyyarə Pensilvaniya ştatında qəzaya uğrayıb. Terror aktları nəticəsində 3 minə yaxın insan həlak olub.

11 Sentyabr hadisələrindən sonra ABŞ təhlükəsizlik sisteminə yenidən baxıb, terrorçuluqla genişmiqyaslı mübarizəyə başlayıb. Baş verənlərin nəticələri siyasətə, cəmiyyətə və beynəlxalq münasibətlərə təsir göstərib.


Anım tədbirləri bir gün əvvəl başlayıb. Nyu-Yorkda qurbanların sayına uyğun olaraq 2 min 977 dron səmada Dünya Ticarət Mərkəzinin iki qülləsinin siluetini yaradıb.

Bu gün Nyu-Yorkdakı 11 Sentyabr memorialında mərasimə ABŞ vitse-prezidenti Cey Di Vens, keçmiş prezidentlər – 25 il əvvəl dövlət başçısı olmuş kiçik Corc Buş, həmçinin Bill Klinton, Barak Obama və Co Baydenin qatılacağı gözlənilir.

Mərasimdə həlak olanların yaxınları onların adlarını oxuyacaqlar.

Pentaqonun binasının divarından nəhəng ABŞ bayrağı asılacaq.

Anım mərasimində ABŞ prezidenti Donald Tramp, müdafiə naziri Pit Heqset və Birləşmiş Qərargah Rəisləri Komitəsinin sədri general Den Keyn iştirak edəcəklər.

Pensilvaniyada 93 saylı reysin qəzaya uğradığı yerdə də anım mərasimi keçiriləcək.

D.Tramp faciənin ildönümü ilə bağlı bəyanatında bildirib ki, ölkə suverenliyini, dəyərlərini müdafiə etməlidir: "Dəyərli həyat tərzimizi bizi məhv etməyə çalışan hər kəsdən qorumalıyıq".

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.