İranın dəstəklədiyi husi üsyançıları oktyabrın 7-də Səudiyyə
Ərəbistanının paytaxtı Ər-Riyaddakı Kral Xalid Beynəlxalq Hava
Limanına
ballistik raketlə zərbə endirdiklərini bildiriblər. Qruplaşma
Səudiyyə Ərəbistanına və Yəmənin hökumət qüvvələrinin nəzarətində
olan cənub bölgələrinə qarşı yeni hücum dalğasına başlayıb.
"Silahlı qüvvələrimiz Ər-Riyaddakı Kral Xalid
aeroportunu ballistik raketlə hədəfə alıb. Allahın lütfü ilə zərbə
dəqiq olub və hava limanında uçuşları pozub", –
husilərin hərbi sözçüsü Yəhya Səri X-də bildirib.
Səudiyyə Ərəbistanının rəhbərlik etdiyi koalisiya qüvvələri isə
husilərin buraxdığı ballistik raketin Ər-Riyadın şimalında
zərərsizləşdirildiyini açıqlayıb. Bu koalisiya Yəmənin beynəlxalq
səviyyədə tanınan hökumətini dəstəkləyir.
Eyni zamanda, Yəmənin Nəqliyyat Nazirliyi husilərin Ədən Beynəlxalq
Hava Limanını da dronlar və ballistik raketlərlə hədəfə aldığını
bəyan edib. Bu aeroport husilərin nəzarətindən kənarda olan
ərazilərin xaricə açılan əsas hava qapısıdır.
Nazirliyin məlumatına görə, Qahirədən gələn təyyarənin enişinə bir
neçə dəqiqə qalmış raketlərdən biri uçuş-enmə zolağının yaxınlığına
düşüb. Buna görə təyyarənin enişi ləğv edilib və Səudiyyənin Ciddə
şəhərinə yönləndirilib. Husilər isə ayrıca açıqlamada aeroport
yaxınlığındakı hərbi düşərgədə yerləşən texnikaları hədəf
aldıqlarını bildiriblər.
Bu arada, Yəmən hökuməti Səudiyyənin rəhbərlik etdiyi koalisiyanın
aviasiya dəstəyi ilə husilərə qarşı genişmiqyaslı əks-hücuma
başlayıb. Yəmən ordusu həftənin əvvəlində yaydığı açıqlamada husi
döyüşçülərinin Qırmızı dənizdəki Babül-Məndəb boğazı ətrafındakı
ərazilərdən və Moxa liman şəhərindən çıxarıldığını bildirib. Hər
iki tərəfin iddialarını müstəqil mənbələr vasitəsilə yoxlamaq
hələlik çətindir.
Husilər Yəmənin şimal-qərbinin böyük hissəsinə nəzarət edir.
Üsyançılarla dördillik atəşkəs ötən ay pozulub. Husilər ölkənin
Qırmızı dəniz sahil zolağının böyük hissəsini ələ keçiriblər. Son
döyüşlər son illərin ən çox insan itkisinə səbəb olan toqquşması
kimi qiymətləndirilir.
Mənbə: Azadlıq Radiosu
Bizi Teleqramda izləyin! Yeni xəbərlər anında kanalda!
Linkə daxil olub abunə
olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli"
radiosunun Facebook səhifəsində.
Bizi
"Telegram"da
izləyin.
Bizi
"TikTok"da
izləyin.
Bizi
"İnstagram"da izləyin.
Bizi
"X"da izləyin.
Şahidi olduğunuz hadisələri çəkib bizə göndərin!
+995557994415
Gürcüstanın hər yerindən olan 22 onlayn media
birləşdik ki, gec olmadan mübarizə
aparaq.
Bu mübarizədə sənin dəstəyin həlledicidir.
https://sinatle.media/
Müstəqil onlayn medianı
dəstəkləmək üçün ianə et:
#
GE76TB7548536080100013
#
GE70BG0000000609775306
Repressiv rejim müstəqil onlayn
medianı yox etməklə hədələyir. Bu real təhlükəni göstərmək üçün 22
media qurumunun vebsaytı müvəqqəti olaraq dayandırıldı. Bu simvolik
addım “İşıq sönməməlidir” kampaniyasından əvvəl həyata keçirildi.
Kampaniyanın məqsədi müstəqil medianı qorumaq üçün dəstəkçiləri
birləşdirməkdir.