“Gürcü Arzusu” partiyasının deputatı Levan Maçavariani Mamuka
Mdinaradzenin siyasətdən biznesə keçməsinə münasibət bildirib.
O, Mdinaradzeni fərqli lider kimi qiymətləndirib və ölkədə sülhün
qorunmasında onun böyük xidmətinin olduğunu deyib. Maçavarianinin
sözlərinə görə, Mdinaradze siyasətdə uğurlu olduğu kimi, biznesdə
də uğur qazanacaq.
“Mamuka Mdinaradze komandanın seçilən liderlərindən
biri idi. O, əlbəttə ki, stresslə bağlı olan çoxsaylı qərarlar
qəbul etməli olurdu. Ölkədə qorunub saxlanılan sülhün təmin
olunmasında onun da böyük rolu olub. Bu, ilk növbədə, Bidzina
İvanişvilinin rəhbərliyi altında bütün komandanın xidmətidir.
Bununla belə, Mamuka Mdinaradzenin bu işdə töhfəsi çox böyük
olub.
O, biznesə keçib və təbii ki, ona uğurlar arzulayırıq. Əminəm ki,
siyasətdə olduğu kimi, biznesdə də çox uğurlu
olacaq”, — deyə Maçavariani “Formula” teleşirkətinin
jurnalisti ilə söhbətində bildirib.
“Azadlıq Radiosu”nun jurnalist araşdırmasına gəlincə, araşdırmada
Mdinaradzenin Nana Keinişvilinin ehtimal olunan korrupsiya
əməllərindən xəbərdar olduğu bildirilir. Maçavariani bu məsələ ilə
bağlı mühakimə yürütmək üçün araşdırmaya və sübutların toplanmasına
vaxt lazım olduğunu deyib. Bununla yanaşı, o bildirib ki,
Mdinaradzenin ölkəsinə vicdanla xidmət etdiyini yüz faiz əminliklə
söyləyə bilər və onun korrupsiyaya göz yumması ehtimalını istisna
edir.
“Bilmirəm, bu müzakirəyə qoşula bilmərəm. Elə məsələlər
var ki, onların araşdırılması müəyyən vaxt tələb edir, sübutların
toplanması da vaxt aparır. Mən bunu ümumi mənada deyirəm.
Yüz faiz əminliklə deyə bilərəm ki, Mamuka Mdinaradze öz ölkəsinə
vicdanla xidmət edib. Onun korrupsiyaya göz yumması ehtimalını isə
istisna edirəm”, — deyə Maçavariani bildirib.
Məlumat üçün bildirək ki, “Azadlıq Radiosu”nun oktyabrın 9-da dərc
etdiyi jurnalist araşdırmasına əsasən, Mamuka Mdinaradzenin Nana
Keinişvilinin ehtimal olunan korrupsiya fəaliyyəti ilə əlaqəsi onun
Dövlət Təhlükəsizliyi Xidmətinin rəhbəri olduğu dövrdə
Keinişvilinin mümkün qanun pozuntuları barədə məlumatlandırılması
ilə üzə çıxıb. Lakin nəşrin məlumatına görə, bu məktuba heç bir
reaksiya verilməyib.
Mamuka Mdinaradze siyasətdən getdiyini 2026-cı il avqustun 27-də
açıqlayıb. Həmin gün o, regional inkişaf naziri vəzifəsindən də
istefa verib.
Mamuka Mdinaradze 2025-ci ilin sentyabrından 2026-cı ilin
aprelinədək Dövlət Təhlükəsizliyi Xidmətinin rəhbəri olub. 2026-cı
ilin aprelindən avqustunadək isə hüquq-mühafizə orqanları ilə
koordinasiya məsələləri üzrə dövlət naziri və regional inkişaf
naziri vəzifələrini tutub.
Bundan əvvəl, 2024-cü ildən 2025-ci ilin sentyabrınadək “Gürcü
Arzusu”nun parlament çoxluğunun lideri olub. 2016-cı ildən isə
Gürcüstan parlamentinin deputatı idi.
Mənbə: news.on.ge
Bizi Teleqramda izləyin! Yeni xəbərlər anında kanalda!
Linkə daxil olub abunə
olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli"
radiosunun Facebook səhifəsində.
Bizi
"Telegram"da
izləyin.
Bizi
"TikTok"da
izləyin.
Bizi
"İnstagram"da izləyin.
Bizi
"X"da izləyin.
Şahidi olduğunuz hadisələri çəkib bizə göndərin!
+995557994415
Gürcüstanın hər yerindən olan 22 onlayn media
birləşdik ki, gec olmadan mübarizə
aparaq.
Bu mübarizədə sənin dəstəyin həlledicidir.
https://sinatle.media/
Müstəqil onlayn medianı
dəstəkləmək üçün ianə et:
#
GE76TB7548536080100013
#
GE70BG0000000609775306
Repressiv rejim müstəqil onlayn
medianı yox etməklə hədələyir. Bu real təhlükəni göstərmək üçün 22
media qurumunun vebsaytı müvəqqəti olaraq dayandırıldı. Bu simvolik
addım “İşıq sönməməlidir” kampaniyasından əvvəl həyata keçirildi.
Kampaniyanın məqsədi müstəqil medianı qorumaq üçün dəstəkçiləri
birləşdirməkdir.