Suxumi Gürcüstan tərəfini domino çempionatını siyasiləşdirməkdə ittiham edir
Abxaziyanın de-fakto Xarici İşlər Nazirliyi Gürcüstanın abxaz idmançıların beynəlxalq idman tədbirlərində iştirakını siyasiləşdirməyə çalışdığını bildirir. Qurum bu barədə Domino üzrə Beynəlxalq Federasiyanın 2027-ci il dünya çempionatının Abxaziyada keçirilməsi barədə qərarından sonra bəyanat yayıb.

De-fakto Xarici İşlər Nazirliyinin bəyanatında qeyd olunur ki, beynəlxalq idman tədbirləri xalqlar arasında dostluq əlaqələrinin möhkəmləndirilməsi və beynəlxalq əməkdaşlığın inkişafı üçün mühüm vasitədir.

“İdman siyasi
konyunkturadan kənarda qalmalıdır. Lakin Gürcüstan dəfələrlə abxaz idmançıların beynəlxalq tədbirlərdə iştirakını siyasi müstəviyə keçirməyə çalışır”,
– deyə bəyanatda bildirilir.

Qurumun iddiasına görə, bu cür yanaşmalar beynəlxalq idman əməkdaşlığının ruhuna və humanitar əlaqələrin prinsiplərinə ziddir.

Abxaziyanın de-fakto Xarici İşlər Nazirliyinin məlumatına görə, 2027-ci il dünya domino çempionatının Abxaziyada keçirilməsi barədə qərar Domino üzrə Beynəlxalq Federasiyanın Baş Assambleyası tərəfindən 8 oktyabr 2026-cı ildə yekdilliklə qəbul edilib.

Qurumun bildirdiyinə görə, İspaniyada keçirilən 2026-cı il dünya çempionatında iştirakçılara Abxaziya haqqında videoçarx nümayiş etdirilib. Həmçinin Domino üzrə Beynəlxalq Federasiyanın bayrağının təhvil verilməsi mərasimi keçirilib. İspaniya bayrağı növbəti çempionatın ev sahibi kimi Domino üzrə Abxaziya Federasiyasına təqdim edib.

Gürcüstan Domino Federasiyasının prezidenti Badri Mantskavanın sözlərinə görə, federasiya Domino üzrə Beynəlxalq Federasiyaya məktub göndərərək Abxaziyanın Gürcüstan ərazisi olduğunu izah edib.

Mantskavanın bildirdiyinə görə, Gürcüstan federasiyası dünya çempionatında iştirak etməyi planlaşdırmır. Buna səbəb Abxaziyanın beynəlxalq federasiyanın saytında ayrıca üzv kimi təqdim olunmasıdır.

Mənbə: Netgazeti

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!
Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415
Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:

# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.

Print Email
FaceBook Twitter Google