DİN erkən evliliyə qarşı kampaniyaya başlayıb
Gürcüstanın Daxili İşlər Nazirinin müavini
Natia Mezvrişvilinin bəyanatına görə nazirlik erkən evliliyə qarşı
“uşaqlığını əlindən alma”
adlı
18 günlük kampaniyaya başlayıb.
Nazirliyin məlumatına görə, 2018-ci ilin yetkinlik yaşına çatmamış
şəxslərin erkən evlililiyi ilə bağlı 180-ə yaxın faktla bağlı
istintaq başlayıb. DİN-dən bildirirlər ki, əksər hallarda hüquq
mühafizə orqanlarına hadisə baş verdikdən bir neçə ay sonra məlumat
verilir. Bu isə effektli və vaxtında reaksiyaya mane olur:
“Bu gün DİN “uşaqlığını əlindən alma” adlı kampaniyaya
başladı. Kampaniya simvolik olaraq 18 gün davam edəcək. Bu
kampaniyanın məqsədi ictimaiyyətin məcburi evliliklə bağlı
məlumatlandırılmasıdır. Məcburi evlikliklə yanaşı başqa cinayətlər
də törənir – cinsi zorakılıq və əsasən ailədə zorakılıq.
Bu cinayətin qurbanları əsasən yertkinlik yaşına çatmamış
şəxslərdir. Qayda olaraq cinayəti ailə üzvləri törədirlər. Doğrudur
müraciət etmək göstəriciləri son dövrdə artıb ancaq bu hələ də
problemdir. Ona görə də bu kampaniya ilə biz cəmiyyəti, hamını belə
faktlarla bağlı məlumatları varsa dərhal polisə xəbər
versinlər.
Bu gün bizim resursumuz var ki, hər bir belə hala qarşı reaksiya
göstərək və faktiki olaraq bu yetkinlik yaşına çatmamış şəxsi xilas
edək” – Mezvrişvili bildirir.
Daxili İşlər Nazirinin müavininin sözlərinə görə 18 gün ərzində
əhali, məktəb şagirdləri, pedaqoqlarla görüşlər olacaq. Nazirlikdən
deyirlər ki, kampaniyaya Təhsil Nazirliyi, Səhiyyə Nazirliyi, Xalq
Müdafiəçisi ofisinin, QHT, İnsan Hüquqlarının Müdafiəsi
Departamentinin nümayəndələri qoşulacaqlar.
“Bizim hüquq ofisserlərimiz qapı-qapı gəzəcəklər.
Məlumat broşurları paylayacaqlar və bukletlər verəcəklər. Cəmiyyətə
təfərrüatlı məlumat veriləcək ki, bu cinayətdir və mütləq polisə
xəbər verməlidirlər” – Natia Mezvrişvili
bildirib.