Gürcüstan hökumətinin qərarına əsasən Gürcüstanda olan mağazalardan
qida məhsullarından başqa onlayn heç nə almaq olmaz.
Bu haqda 2020-ci ilin 30 mart tarixində verilmiş 204 saylı
sərəncamda qeyd olunub. Qeyd olunan sənədə əsasən Gürcüstanda
koronavirusun yayılmasına qarşı qəbul olunan tədbirlər
sərtləşdirilib.
Hökumətin sərəncamında fövqəladə vəziyyət zamanı çalışa biləcək
obyektlər sadalanıb. Yolverilən işlər arasında qida çatdırma
xidməti də var. Müvafiq olaraq başqa növ məhsulların çatdırılması
dayandırılıb. Qeyd olunan məhdudiyyət fövqəladə vəziyyət bitənə
qədər (21 aprelə qədər) qüvvədədir.
Hökumətin bu qərarı barədə fövqəladə vəziyyətin elan olunmasından –
21 mart tarixindən bu günə qədər onlayn satışları davam etdirən
şirkətlər də məlumat yayıb.
Gürcüstanda koronavisursa görə 21 martdan fövqəladə rejim elan
olunub və ərzaq mağazaları, aptek şəbəkələri, banklar, mikromaliyyə
təşkilatları istisna olaraq obyektlərin böyük hissəsi bağlıdır. Bu
gün, 1 aprel tarixində Baş nazirin yeni sərəncamı yayımlanıb.
Sərəncamda bu şəraitdə çalışmağa davam edəcək şirkətlərin siyahısı
qeyd olunub.