Gürcüstanın Birinci Kanalı qeyri-gürcü dilli məktəblər üçün onlayn gürcü dili olimpiadasına start verir
12:55 / 10.04.2020
Gürcüstanın Birinci kanalı yeni bir layihəyə başlayır. "Bizim Gürcü
dilimiz" adlı layihə gürcü dilinin populyarlaşdırılması məqsədi
daşıyır.
Layihə çərçivəsində bir sıra tədbirlər planlaşdırılır. Layihənin
əsas hissələrindən biri Gürcüstan bölgələrində qeyri-gürcü dilli
məktəblər üçün onlayn gürcü dili olimpiadasıdır.
Bu il layihə Amerika Birləşmiş Ştatlarının Gürcüstandakı
səfirliyinin dəstəyi ilə həyata keçirilir.
Onlayn olimpiadada qeyri-gürcü dilli məktəblərin yeddinci sinif
şagirdləri iştirak edə bilərlər. Layihədə iştirak edən hər bir
iştirakçıya iştirak sertifikatı veriləcək və üç qalib
mükafatlandırılacaq. Qalib gələn tələbələrin gürcü dili və
ədəbiyyatı müəllimləri də mükafatlandırılacaq.
Viktorinalar vaxtaşırı layihənin “Facebook” səhifəsində keçiriləcək. Suala düzgün cavab
veriləcəyi təqdirdə, qeyri-gürcü dilli məktəb şagirdləri
həvəsləndirici hədiyyələr alacaqlar.