Gürcüstanın Prezidenti Salome Zurabişvilinin sözlərinə görə, Qiqi
Uqulava və İrakli Okruaşvilinin əfvi haqqında Parlamentin Sədri
Arçil Talakvadze, Baş Nazir Qiorqi Qaxariya
və “Gürcü Arzusu”nun rəhbəri Bidzina İvanişviliyə əvvəlcədən
bildirib.
Salome Zurabişvili bildirib ki, əfv haqqında qərarı tamamilə
müstəqil şəkildə qəbul edib, amma bu o demək deyildir ki, qərarı
qəbul edən zaman hökumətin digər üzvləri ilə ünsiyyət qurmayıb.
“Mən bu qərarın qəbulunun vacib olduğunu bildiyim zaman
- hökumət üzvlərini, institutlarını xəbərdar etdim, çünki belə bir
qərarın gözlənilməz olması yolverilməzdir”, - deyə
Zurabişvili “Gecə Kuryeri»nə xüsusi müsahibə verən zaman bildirib
və əlavə edib ki, konkret olaraq parlament sədrinə, baş nazirə və
“Gürcü Arzusu” partiyasının sədrinə bildirib.
Prezident Salome Zurabişvili İrakli Okruaşvili və Qiqi Uqulavanı
mayın 15-də əfv edib.
“Bu haqda prezidentlə bizim aramızda danışıqlar olmayıb və bu haqda
brifinq keçirilən zaman bildik”, - deyə parlament əksəriyyətinin
üzvü İrakli Kobaxidze bildirib.
Parlament əksəriyyətinin lideri Mamuka Mdinaradze də həmçinin,
bildirib ki, hakim komandanın Qiqi Uqulava və İrakli Okruaşvilinin
əfvi ilə bağlı prezidentlə danışıq olmayıb.