“Əgər biz vəziyyətin qarşısını ala bilməsək, mayın
29-da 10 min, iyunun 12-də 20 min, iyunun sonunda isə 30 min
yoluxmuş xəstəmiz və yüzlərlə vəfat edənimiz olacaq”,
– deyə Ermənistanın baş naziri Nikol Paşinyan "Facebook"
səhifəsindən əhaliyə müraciət edib.
“Bu isə o deməkdir ki, sərt qadağaların hamısını
yenidən tətbiq etməli olacağıq. Amma bizim imkanımız var ki, bunu
etməyək, çünki hər şey bizim şəxsi məsuliyyətimizdən asılıdır.
Fərdi səviyyədə bu, sosial məsafənin qorunmasından və maskalarla
ünsiyyətdə olmaqdan ibarətdir. Amma bu gün küçədə maskasız söhbət
edən insanlar görürəm, guya ki, heç nə baş
verməyib”.
Bununla yanaşı, baş nazir əhaliyə səslənir ki, bütün tələblərə əməl
etsinlər, o cümlədən qapalı yerlərdə maska gəzdirmək, həmçinin dəfn
mərasimi qaydalarına da.
“Hamı cərimələnəcək, sonra deməyin ki, sosial
şəraitiniz pisdir və ödəyə bilmirsiniz. Əgər şəraitiniz pisdirsə
onda qaydalara əməl edin”.
Ermənistanda koronavirusa yoluxma halları 5000-i keçib, amma ölkədə
bir çox məhdudiyyətlər ləğv olunub, o cümlədən ictimai nəqliyyatın
və qida obyektlərinin fəaliyyətləri yenilənib.
Bu günə, mayın 20-nə olan məlumatlara görə Ermənistanda daha 230
yeni yoluxma halı müşahidə olunub. Ermənistanın Səhiyyə naziri
Arsen Torosyanın bildirdiyinə görə artmaqda olan statistikanı
nəzərə alaraq, tibbi müəssisələrdə çarpayıların məqsədyönlü
istifadə edilməsi üçün simptomu olmayan pasiyentlər poliklinika
həkimlərinin tövsiyələrinə görə evlərində qalacaqlar.