Qoridə vəfat edən qadının ailəsi onun ölümündə qadının ərini günahlandırır. Bu haqda məlumatı “TV Pirveli” yayıb.

Vəfat edənin ailə üzvlərinin televiziyaya bildirdiyinə görə, 28 yaşlı qadının göz və boğaz nahiyələrində xəsarət izləri var. Ailə üzvlərinin bildirdiklərinə görə, ailə Qoridə ayrı yaşayırdı. Qadının ölümü haqqında həyat yoldaşı qadının ailə üzvlərinə onlar qadını axtardıqdan iki gün sonra məlumat verib. Bununla yanaşı, ailə deyir ki, qadınla əri arasında tez-tez münaqişələr olub.

Daxili İşlər Nazirliyinin verdiyi məlumata görə, hadisə ilə bağlı Cinayət Məcəlləsinin 115-ci maddəsi ilə istintaq başladılıb ki, bu da intihar həddinə çatdırmanı nəzərdə tutur.