İpoteka kreditlərinə subsidiyaların verilməsi yalnız birinci əl
mənzillərə aid ediləcək.
Bu haqda “TBC Bankın” direktoru Vaxtanq Buçxrikidze “Palitra”
radiosu və “Palitra News”un “İş” verilişində bildirib.
Onun sözlərinə görə, kreditlərin verilməsinə başlanılması üçün
texniki işlər qalıb ki, buna da 1-2 həftə vaxt lazım olacaq.
Müvafiq olaraq, iyunun ortalarından bank kredit vermək üçün hazır
olacaq.
“Son 3 həftə ərzində hökumət, tikinti şirkətləri,
kommersiya bankları və Milli Bank arasında kifayət qədər fəal iş
gedirdi. Müzakirələr zamanı söhbət gedirdi ki, bu təşəbbüs daha
geniş sahəni əhatə etsin, o cümlədən ikinci əl mənzillərə də şamil
olunsun, amma son nəticədə razılaşma əldə olundu ki, bu təşəbbüs
yalnız birinci əl mənzillərə şamil edilsin. Bununla, bu məbləğ yeni
mənzil tikənlər üçün istifadə olunacaq və tikinti şirkəti
layihələrin həvəsləndirilməsinə gətirib çıxaracaq”, –
deyə Buçxrikidze bildirib.