“Gələcək Gürcüstan üçün Bölgənin İnkişafı Assosiasiyası” (RDFG)-nin
gənc sahibkarlar layihəsinin final mərhələsində iştirak etmək üçün
qeydiyyat müddəti dəyişib.
(RDFG)-nin gənclər üzrə rəhbəri Revaz Cavlidzenin “Marneuli”
radiosuna bildirdiyinə görə, ölkədə Covid-19-un yayılmasının
qarşısının alınması məqsədi ilə proqramda iştirak tarixləri
dəyişib.
“Biz mart ayından layihəni həyata keçirməyi
planlaşdırırdıq. Təəssüf ki, təxirə salmalı olduq. Bu gün reallıq
budur ki, layihədə iştirak etmək üçün maraqlanan gənclər 8 iyun
tarixində günün sonuna qədər qeydiyyatdan keçə bilərlər. Təlimlərin
keçirilməsini isə 13-14 iyun tarixində planlaşdırırıq. Biz
təlimlərin onlayn keçirilməsi üçün qərar qəbul edəcəyik. İntensiv
sahibkarlar üçün düşərgə 12-19 iyulda baş tutacaq”, –
Revaz Cavelidze bildirib.
Layihə “Gələcək Gürcüstan üçün Bölgənin İnkişafı Assosiasiyası”
(RDFG) tərəfindən USAİD-in proqramı çərçivəsində həyata keçilir.
Layihənin məqsədi Gürcüstanın regionlarında (kəndlərdə) yaşayan
gənclərin sahibkarlıq vasitəsilə gücləndirilməsidir. Proqram
çərçivəsində qrant komissiyası tərəfindən ən az 3 qalib biznes
layihə müəyyən ediləcək. Onların hər biri 10 000 lari dəyərində
qrant ilə mükafatlandırılacaq.
Regional Gənc Sahibkarlar Proqramı Gürcüstanın 9 bələdiyyəsindən
(Zuqdidi, Borjomi, Aspindza, Adigeni, Ninotsminda, Marneuli,
Bolnisi, Kaspi və Qori) 18-29 yaşlı gənclərin sahibkarlıqla bağlı
təlimlərə qoşulmasını nəzərdə tutur. Layihə üç mərhələdən
ibarətdir.
Layihədə iştirak etmək üçün xahiş linkə daxil olaraq qeydiyyatdan
keçə bilərsiniz:
http://rdfg.ge/ka/phase-3-registration/