İctimai yerlərdə maskadan istifadə etməməyə görə cərimə maksimum
100 lari səviyyəsində nəzərdə tutulur.
"Interpressnews"-in əldə etdiyi məlumata görə, təhlükəsizlik
qaydalarının pozulmasına görə sanksiya ilə bağlı qanunvericilik
baxımından aşağıdakı yanaşma müzakirə olunur: qoruyucu maskadan
istifadə etməməyə görə fiziki şəxslər üçün cərimələr orta əmək
haqqının onda bir hissəsindən çox olmamalıdır, özəl şirkətlər və
hüquqi şəxslər üçün isə cərimə orta əməkhaqqı qədər müəyyən
edilir.
Bu mərhələdə qərar qəbul olunmayıb və ictimai yerlərdə maskadan
istifadə etməyən şəxslərin nə qədər cərimə ediləcəyi müzakirə
olunur. Məlumat üçün qeyd edək ki, Gürcüstan Milli Statistika
İdarəsinin ilkin məlumatlarına görə, 2019-cu ildə ölkədə orta əmək
haqqı 1 204 lari (nağd şəkildə 963 lari) olub ki, buradan da gəlir
vergisi çıxıldıqdan sonra onda bir hissəsi təqribən 100 lari təşkil
edir.
Xatırladaq ki, ictimai məkanda maskadan istifadə qaydalarının
pozulmasına görə sanksiya (cərimə) tətbiq edilməsi zərurəti bir
neçə gün əvvəl büro iclasında müzakirə edilmiş, müzakirə
çərçivəsində Parlament sədri Hüquq və Sağlamlıq Komitələrindən
dəyişikliklər hazırlamağı xahiş etmişdi. Arçil Talakvadzenin
bildirmişdi ki, cərimənin məbləği rasional olmalı və iki meyara
cavab verməlidir: qabaqlayıcı təsir göstərməlidir və vətəndaşın
sosial vəziyyətinin pisləşməsinə səbəb olmamalıdır.