May ayına olan məlumata görə, ötən illə müqayisədə Gürcüstanda
inflyasiya göstəricisi 0,2 faiz, illik inflyasiya isə 6,5% faizdir.
Milli Statistika Xidmətinin yayımladığı məlumata görə,
mehmanxanalar, restoran və kafe kateqoriyasında qiymətlər 4,3 faiz
artıb. Səhiyyə sahəsində də qiymətlər 1,3 faiz artıb.
Nəqliyyat xidmətində isə qiymətlər 2,4 faiz azalıb. Eləcə də
nəqliyyatın istismar dəyəri də 4,4 faiz aşağı düşüb.
Milli Statistika Xidmətinin yayımladığı məlumata görə, ötən ayla
müqayisədə ərzaq və spirtsiz içkilərin qiyməti dəyişməz qalır.
Spirtli içkilər və tütünün qiyməti isə 1,1 faiz artıb.
Ötən ayla müqayisədə geyim və ayaqqabıda da qiymətlər 0,5 faiz
artıb. Yaşayış evi, elektrik enerjisi, təbii qaz və su
kateqoriyasında da 0,7% bahalaşma var.
Ötən ayla müqayisədə mebel, ailə üçün əşyalar və ev üçün təmizlik
vasitələri kateqoriyasında da qiymətlər 1 faiz bahalaşıb.
Ötən ayla müqayisədə istirahət, əyləncə və mədəniyyət sahəsində
(0,3%), təhsildə (0,1%) və müxtəlif mal və xidmətlərdə (1,5%) artım
var.
İllik inflyasiya 6,5% təşkil edib. Burada əsasən spirtsiz içkilər
və ərzaq kateqoriyasında artım hiss olunur. Bu alt qruplarda
qiymətlər artıb: meyvə və üzüm (47,1 faiz), süd, pendir və yumurta
(24,6 faiz), balıq (17,1 faiz), şəkər tozu, cem və başqa
şirniyyatlar (14,5 faiz), qəhvə, çay və kakao (13,9 faiz), ət və ət
məhsulları (13,5 faiz), günəbaxan yağı və yağ (13,1 faiz), mineral
və bulaq suyu, spirtsiz içkilər və neytral şirələr (9,5 faiz) çörək
və un məhsulları (9,2 faiz), tərəvəz və bitkilər (2,7 faiz).