Azərbaycanda yenidən məhdudiyyət olacaq
Son günlər Azərbaycan ərazisində koronavirusun yayılmasında
yoluxmanın dərəcəsinin artması müşahidə olunur.
Yoluxma və sağalma arasında uyğunsuz fərq getdikcə artmaqdadır.
"Marneuli" radiosu Axar.az-a istinadən xəbər verir ki, bunu
Nazirlər Kabinetinin mətbuat katibi İbrahim Məmmədov Operativ
Qərargahın brifinqində deyib.
"Əsas səbəb vətəndaşların karantin rejiminin
qaydalarına əməl etməmələridir. Koronavirusinfo.az saytına karantin
rejimin pozulması ilə bağlı xeyli müraciət var.
Bu səbəbdən karantin rejiminin yumuşaldılması dayandırılır və
yenidən sərtləşmə qaydaları müzakirə olunur", — o
deyib.
İ.Məmmədov bildirib ki, TƏBİB vəziyyətlə bağlı Operativ Qərargaha
müraciət edib:
"Sərtləşdirmə ilə bağlı məsələ müzakirə olunub. Cümə
günündən hərəkətin məhdudlaşdırılması ola bilər. Küçəyə çıxma
qadağası tətbiq olunacaq, hərəkətin tam məhdudlaşdırılması
rejiminin yaradılması planlaşdırılır."
İbrahim Məmmədov bildirib ki, sabah Operativ Qərargahın rəhbəri Əli
Əsədov bununla bağlı ətraflı məlumat verəcək.