Acarıstan hökumətinin rəhbəri Tornike Rijvadzenin sözlərinə görə,
Gürcüstan vətəndaşları Türkiyəyə işləmək üçün gedə biləcəklər.
İdarələrarası Koordinasiya Şurasının iclasından sonra keçirilən
brifinqdə bildirdiyinə görə, Türkiyədə işləmək istəyən bütün
vətəndaşlardan işəgötürən tərəfindən veriləcək rəsmi 3 aylıq
bildiriş təqdim etməsi tələb olunur.
“Koordinasiya Şurasının iclasında Türkiyəyə işləmək
istəyən vətəndaşlarımız haqqında müzakirələr apardıq. Qərara gəldik
ki, Gürcüstan vətəndaşları və ilk növbədə Acarıstan sakinləri
Türkiyə Respublikasından bir işəgötürənin verdiyi üç aylıq
dəvətnamələr əsasında Türkiyəyə işləmək üçün gedə bilsinlər, lakin
geri qayıtdıqları zaman karantində qalmaları tələb
olunacaq”, – deyə Rijvadze bildirib.