Marneuli meriyasının təşəbbüsü ilə 12 avqust tarixində saat
18:00-da Marneuli Mədəniyyət evinin qarşısında "Beynəlxalq Gənclər
Günü"nə həsr olunmuş tədbir keçiriləcək.
Bu barədə məlumatı Marneuli merinin gənclərlə işi üzrə müşaviri
Adil Əliyev məlumat verdi.
Onun sözlərinə görə, tədbirin məqsədi ali məktəblərdə təhsil almaq
istəyən gəncləri univerisitet və koleclərlə tanış etmək və
gənclərin seçimini asandlaşdırmaqdır.
"Məqsədimiz, təhsil almaq istəyən gənclərimizi ali
məktəblərimizlə tanış etmək və onların seçimlərini
asanlaşdırmaqdır. Ümid edirəm ki, bütün gənclərimiz bu tədbirdə
iştirak edərək, onlara maraqlı olan suallara yerindəcə cavab
tapacaqlar. Hər birinizin aktiv olmağınızı xaiş
edirəm", – Adil Əliyev dedi.
Adil Əliyevin onu da bildirdi ki, gənclərin tədbirdə iştirak etməsi
üçün meriya tərəfində nəqliyyat da ayrılıb və bunun üçün məktəb
drektorlarına da məlumat veriləcək.
Tədbirdə Gürcüstanda fəaliyyət göstərən universitetlərin və
kolleclərin sərgisi də baş tutacaq.
Qeyd edək ki, görüşdə İlia Dövlət Universiteti, Cavaxişvili Dövlət
Universiteti, Gürcüstan Dövlət Texniki Universiteti, Gürcüstan
Dövlət İdman Akademiyası, Gürcüstan Dövlət Aviasiya Universiteti,
Davit Ağmaşenebeli adına Milli Təhlükəsizlik Akademiyası və
akreditə olunmuş peşə məktəbləri-kolleclərin nümayəndələri də
qatılacaq.