“Maska taxmaq mədəniyyətini
gücləndirməliyik", – Xəstəliklərə Nəzarət Milli
Mərkəzinin rəhbəri Amiran Qamkrelidze deyib.
O, maskadan istifadə edərkən virusun yayılma riskinin 1%-dən az
olduğunu bildirib.
“Hələ ki, nə peyvənd, nə də dərman var, nə də birinin
və ya digərinin nə zaman yaranacağını bilmirik. Yalnız bir
silahımız var – maska. Ölkədəki maska mədəniyyətini mümkün qədər
gücləndirməliyik. İki insan maska taxıbsa və onlardan biri virusa
yoluxubsa, infeksiyanın digər şəxsə keçmə ehtimalının 1%-dən az
olduğuna dair bir çox dəlil var. Maska pandemiyaya qarşı mübarizədə
ən güclü silahdır. Yaşayış yerini dezinfeksiyaedici məhlullarla
tez-tez təmizləmək, məsafəni qorumaq və maska taxmaq – bu
tövsiyələrə əməl etsək, xəstəliyin qarşısını alacağıq. Yoluxma
sayında artım var, amma proses idarə edilə biləcək
vəziyyətdədir”, – dedi Amiran Qamkrelidze.
Məlumat üçün: Bu gün 218 yeni koronavirusa yoluxma halı
təsdiqlənib. 3 nəfər virus səbəbi ilə dünyasını dəyişib.