ABŞ-ın Gürcüstandakı səfiri Kelly Deqnan, Rusiyanın 2020-ci il
parlament seçkilərində də dezinformasiya kampaniyasına davam edə
biləcəyini söylədi.
“Hamı davam edən prossesləri yaxından müşahidə edir,
çünki yüksək gözləntilər var. Dezinformasiya mövzusuna gəldikdə,
əlbəttə ki, müxtəlif ölkələrin seçkilərində, Avropada və Amerikada
Rusiya tərəfindən zərərli davranışların şahidi olmuşuq. Məhz buna
görə də bunun Gürcüstanda da davam etməsi ehtimalı var. İnanıram
ki, Gürcüstan hökuməti bu məsələyə ciddi yanaşır. Eləcə də
cəmiyyət. Çünki dezinformasiyalara düzgü və ehtiyatla cavab vermək
çox vacibdir", – deyə vurğulayıb Deqnan.
Onun sözlərinə görə, 31 oktyabr seçkilərinə maraq və gözləntilər
çoxdur və bu seçkilərin azad, ədalətli və "əvvəlki seçkilərdən daha
yaxşı" olması vacibdir.
Deqnanın fikrincə, seçiciləri qorxutmaq və inzibati resurslardan
qeyri-düzgün istifadə kimi halların olması təəssüf doğuracaq.
Gürcüstanda parlament seçkiləri 31 oktyabrda keçiriləcək.