Ozurgeti bələdiyyəsinin Laituri kəndində koronavirusa yoluxma
halının artmasına görə hərəkət qadağan olunub.
Polislər vətəndaşların giriş-çıxışına nəzarət edir.
Yerli əhali üçün Quriya bölgə administrasiyasında qaynar xətt
yaradılıb.
“Laituridə polis tərəfindən əhalinin giriş-çıxışına
nəzarət olunur. Onlar termoskrininqdən keçiriləcək. Hamını
çağırırıq ki, bu qərara anlayışla yanaşsın ki, koronavirusun
yayılmasının qarşısı alınsın”, – Ozurgeti
meriyasından bildiriblər.
Meriyanın məlumatına görə, Laituridə gün ərzində 11 yoluxma halı
qeydə alınıb və Ozurgetidə yoluxanların ümumi sayı 61 nəfər təşkil
edir. Quriyada virusa yoluxanların sayı isə 84 nəfərdir.