Bu gün, 21 oktyabr tarixində
Marneuli rayonunun
Qızılhacılı kəndində müasir standartlara cavab
verən idman kompleksinin təməlatma mərasimi keçirildi. İdman
kompleksi
Azərbaycan Dövlət Neft Şirkəti "SOCAR"
tərəfindən inşa edilir. Layihənin ümumi dəyəri
2 400
000 lari təşkil edir.
1 157 kv m ərazini əhatə edəcək kompleksin
8 ay ərzində tikilərək istifadəyə verilməsi
nəzərdə tutulub.
Təməlatma mərasimində Azərbaycan Dövlət Neft şirkətinin prezidenti
Rövnəq Abdullayev, Azərbaycanın Gürcüstandakı
səfiri
Faiq Quliyev, SOCAR-ın Sərmayələr
İdarəsinin rəisi
Vaqif Əliyev, Kvemo Kartli
bölgəsinin qubernatoru
Şota Rexiaşvili, Parlament
deputatları
Ruslan Hacıyev,
Savalan
Mirzəyev və
Mahir Dərziyev,
Marneuli-Qardabani seçki dairəsindən majoritar deputatlığa namizəd
Zaur Darğallı, Marneuli merinin səlahiyyətlərini
icra edən
Zaur Tabatadze, Marneuli bələdiyyə
Məclisinin sədri
Amiran Qiorqadze və digər rəsmi
şəxslər iştirak edirdilər.
Xatırladaq ki, bu gün səhər saatlarında Azərbaycan Dövlət Neft
Şirkətinin prezidenti və Gürcüstan hökumətinin nümayəndələri
İlməzli kəndində yeni qaz xəttinin çəkilişi ilə əlaqədar olaraq
sakinlərlə görüş keçirdilər.
Rövnəq Abdullayev Marneulidəki tədbir başa çatdıqdan sonra Dmanisi
rayonunun Yırğançay kəndinə yola düşdü. Orada da kənddə yeni qaz
xəttinin çəkilməsi tədbirində iştirak edəcək.
Qeyd edək ki, Abdullayev 20 oktyabr tarixində Laqodexi rayonunun
Qabal kəndində yeni tikləcək uşaq bağçasının təməlatma mərasimində
iştirak edib.