Qardabani bələdiyyəsinin Muxranteleti, Zemo və Kvemo Teleti,
Tsalaskuri, Axaltskali və Kumisi kəndlərinin əhalisinə bu gündən
təbii qaz ucuzlaşdırılmış tariflə veriləcək.
Bu haqda məlumatı “Tbilisi Energy” yayımlayıb.
Şirkətdən bildiriblər ki, Semec-in qərarına əsasən 1 dekabr
tarixindən qeyd olunan kəndlər “Tbilisi Energy”nin lisenziya
sahəsində daxil edilib.
“Gürcüstanda təbii qaz abuneçəilərinə ən aşağı tarifi
“Tbilisi Energy” təklif edir. Müvafiq olaraq, Qardabaninin kəndləri
“Tbilisi Energy”-nin abunəçisi olduqdan sonra təbii qazın tarifi də
azaldılıb. Bu günə qədər Muxranteleti, Zemo və Kvemo Teleti,
Tsalaskuri, Axaltskali və Kumisi kəndlərinin əhalisinə başqa özəl
şirkət xidmət göstərirdi və təbii qazın tarifi 48,7460 tetri idi.
Bu gündən isə onlar “Tbilisi Energy”-nin xidmətindən istifadə
edəcəklər. Təbii qaz tarifi isə ucuzlaşdırılıb və 46,1374 tetri
olub”, – şirkətdən bildiriblər.