Xəstəliklərə Nəzarət Milli Mərkəzinin direktoru Amiran
Qamkrelidze bildirib ki, pulsuz qrip peyvəndi alan risk qruplarına
məktəb müəllimləri də əlavə edilib. Buna görə, Qamkrelidze
müəllimləri poliklinikalara gedib, mövsümi qrip peyvəndi olunmağa
çağırır.
Bu gün, 2 dekabrda keçirilən brifinqdə verdiyi məlumata görə,
dövlət ümumilikdə 235 min qrip peyvəndi alıb, özəl sektorun aldığı
peyvənd isə təxminən 70 min dozaya bərabərdir.
“
Bugünkü məlumatlara görə, 160 min doza peyvənd
xərclənib. Abxaziyaya verdiyimiz 10 min doza və Gürcüstan ordusunun
peyvənd edilməsi də buraya daxildir. Əmri iki dəfə dəyişdirdik və
artıq demək olar ki, istəyən hər kəs gedib peyvənd oluna bilər,
yəni 65 yaşdan yuxarı məhdudiyyətini qaldırdıq. Baxmayaraq ki, heç
bir ildə bu qədər qrip peyvəndi almamışdıq, amma yenə də müraciət
sayı azdır. Sonda müəllimləri də əlavə etdik və artıq onlar da
poliklinikalara gedib peyvənd oluna bilərlər. Bu peyvənd istənilən
poliklinikalarda var", – deyə Qamkrelidze qeyd
edib.