Dünən 12 yanvar tarixində gecə saatlarında Çoxatauri rayonunun
Buknari kəndində yerli xristianlarla müsəlmanlar arasında fiziki
qarşıdurm baş verib.
Qarşıdurma nəticəsində 2 nəfər yaralanıb. Onlar xəstəxanaya
aparılıblar. Daxili İşlər Nazirliyi hadisə ilə bağlı bir nəfəri
saxlayıb.
Yerli əhali arasında qarşıdurma dini zəmində baş verib. Müsəlman
icmasının nümayəndələri mübahisənin səbəbinin kənddə ibadət yeri
kimi istifadə edilən bir evin alınmasının olduğunu söyləyiblər.
Onların sözlərinə görə, xristianlar yerli müsəlmanların bu istəyinə
qarşı çıxıblar və hətta daşlardan da istifadə edərək fiziki
təhdidlər ediblər.
"Həftələrdir davam edən müsəlman və xristian icmaları
arasındakı mübahisələr ibadət yerimizin olub-olmaması məsələsi
üzərindədir, xristian icması bizə bunu qadağan
edir";
“Kənddə ibadət yerimizin olmamasını tələb edirlər.
Kənarda, haradasa Çoxatauridən uzaqda bizə bir yer təmin
ediləcəyini və orada ibadət etməli olduğumuzu söyləyirlər. Bu
səbəbdən, kənddə ibadətgahımızın olmasını tələb edirik, əks
təqdirdə heç bir müsəlman uşaq məktəbə
getməyəcəkdir”;
"Əsas tələbimiz - sadəcə dinc şəkildə ibadət edə biləcəyimiz bir
ibadətgahımızın olmasıdır... Buna yerli xristianlar qarşı çıxır -
onlara mane olurmuş. Dəstə toplantıları olur, yolda qarşıdurmalar
baş verir", - deyə yerlilər mətbuata məlumat
verib
Yerli müsəlman icmasının nümayəndələri fiziki qarşıdurma zamanı
daşlardan da istifadə edildiyini və toqquşmanın yüngül xəsarətlərlə
nəticələndiyini söyləyirlər.
“Müraciət etdik, ancaq bu günə qədər hələ də bir
kompromisə gələ bilmədik. Bu gün isə bir irəliləyiş olub. Yetkinlik
yaşına çatmayan uşaqlar bizi daşqalaq etdilər. Təxminən bir aydır
ki, onlar dəstə-dəstə toplanaraq durub biz müsəlmanlara söyüş
söyürlər. Biz özümü saxladıq. Bu ölkədə və bu kənddə yaşayırıqsa,
bir ziyarətgahımız olmalıdır”;
“İki 12 yaşlı uşaq əməliyyat olunurlar. Bu insanlardan
15 dəqiqə ibadət etməyi xahiş edirik, başqa bir şey
istəmirik", - deyə müsəlmanlar açıqlama verib.
Doktor Teymuraz Koroşinadzenin sözlərinə görə, yaralıların başında
küt alətlə yetirilmiş yara var idi. Onun sözlərinə görə, xəstələrin
vəziyyəti qənaətbəxşdir.
Məria isə tərəflərə bu gün, 13 yanvarda görüşməyi və danışıqlar
aparmağı təklif edib. İrakli Kuçavaya görə, meriya və
hüquq-mühafizə orqanları mübahisələri azaltmaq üçün əllərindən
gələni edirlər.
Qarşıdurma iştirakçıları bütün gecə Çoxatauri rayon polisi
tərəfindən dindirilib. Acarıstan Polis İdarəsinin rəisi Konstantine
Ananiaşvili də vəziyyətlə tanış olmaq üçün Quriyaya gəlib.
Daha sonra Daxili İşlər Nazirliyi bir nəfərin həbsi ilə bağlı da
bir açıqlama yayıb.
"İstintaq müəyyənləşdirdi ki, Çoxatauri Bələdiyyəsinin
Buknari kənd sakini Q.S. bu il 12 yanvar tarixində həmkəndliləri -
2003-cü il təvəllüdlü N.İ və 2003-cü il təvəllüdlü M.İ. ilə
qarşıdurma zamanı onlara daşla başlarından xəsarət
yetirib".
Hər iki yaralı həkimlərin müvafiq tibbi yardım göstərdikləri
xəstəxanaya aparılıb. Onların həyatları və sağlamlıqları üçün
təhlükə yoxdur.
Hadisə ilə bağlı Gürcüstan Cinayət Məcəlləsinin döyülmə və ya digər
zorakılıq hallarını nəzərdə tutan və altı aydan 1 ilədək həbs
cəzasını nəzərdə tutan 126-cı maddəsinin birinci hissəsi ilə
istintaq aparılır”.
“Təəssüf ki, həqiqətən də müsəlman icmasının ölkədə
ayrı-seçkilik münasibətləri baxımından bir sıra problemləri var. Bu
gün Çoxatauri/Buknaridə baş verən təəssüfdoğurucu hadisələr bunun
bariz nümunəsidir", - deyə xalq müdafiəçisi Nino
Lomcaria açıqlama verib.