Bu gün, 23 fevral tarixində Novruz bayramının birinci, su
çərşənbəsi qeyd olunur.
“Çərşənbə” – Novruz bayramına təqribən bir ay qalmış qeyd olunan
adətdir.
Novruz bayramından əvvəlki 4 həftənin çərşənbə axşamı günlərinin
hər birinin xüsusi adətləri var və bu etnik azlıqların kimliyinin
bir hissəsidir. Gürcüstanda yaşayan azərbaycanlıların böyük
əksəriyyəti Marneuli bələdiyyəsində məskunlaşıb.
“Çərşənbə”-lər yaşam üçün vacib ola dörd ünsürlə əlaqədardır: su,
yel, torpaq və od.
Bu gün, Marneuli bələdiyyəsinin Algeti kəndində mülki fəal Samirə
Bayramova, Algeti icma mərkəzinin rəhbəri Ayşən Qısbəsova və
Görarxı Fondunun direktoru Mahir Quliyevin təşkilatçılığı ilə su
çərşənbəsi qeyd olunub.
Gürcüstanda Novruz Bayramının milli bayram kimi qəbul olunması
məqsədi ilə elektron petisiya yaradılıb. Petisiya vasitəsilə bu
məsələyə öz dəstək və mövqeylərini göstərə bilərlər.
Petisiyanın müəllifi Samirə Bayramova deyir ki, simvolik dəstək
əhəmiyyətlidir. Mülki fəalın sözlərinə görə, bu Parlament üçün real
imzaların və qanun layihəsinin hazırlanmasının ilkin şərti
olacaq.
Qeyd edək ki, Marneuli bələdiyyəsinin Algeti kəndində çərşənbə
ənənəsi 12 ildir ki, unudulmuşdur. Ancaq 2019-cu ilin mart ayında
yerli fəal Samirə Bayramova bir neçə fəal vətəndaşla bərabər öz
mədəniyyətini qorumaq üçün ənənəni bərpa edib və “od çərşənbəsini”
qeyd edib.
“Su çərşənbəsində” əhali evi, həyəti təmizləyir, evin divarlarını
boyayır, bağçanı təmizləyir. Su çərşənbəsini “ilk çərşənbə” də
adlandırılar. Həmin gün qız, gəlinlər səhər durur və çaya su
gətirməyə gedirlər. Səhər, günəş çıxana kimi hamı əl-üzünü yuyur.
Xalq inancına görə, kim həmin gün çaya gedərsə, bütün
xəstəliklərdən uzaq olar.
2010-cu ildə BMT-nin Baş Assambleyası Novruzu beynəlxalq gün kimi
tanıyıb. Novruz 2009-cu ilin 28 sentyabr tarixində UNESCO
sammitində rəsmi olaraq bəşəriyyətin qeyri-maddi mədəni irslərinin
siyahısına daxil edilib. 2010-cu ildə Novruz bayramı Gürcüstanda
ümumxalq bayramı elan olunub.