Azərbaycan Respublikasının Xarici İşlər Nazirliyinin və Azərbaycan
Respublikasının Gürcüstandakı Səfirliyinin təşkilatçılığı və
dəstəyi ilə gürcü jurnalistlər və ekspertlərin Azərbaycan
Respublikasının işğaldan azad olunmuş ərazilərinə səfəri təşkil
edilib.
"Marneuli" radiosu xəbər verir ki, bu barədə Azərbaycanın
Gürcüstandakı səfirliyi məlumat yayıb.
Məlumata əsasən, Gürcüstanın qabaqcıl Pirveli TV, Mtavari Arxi,
İmedi TV, POS TV kanallarının jurnalistləri tərəfindən səfər
çərcivəsində işğaldan azad olunmuş Ağdam, Xocavənd, Füzuli,
Cəbrayıl, Zəngilan, Qubadlı, Ağdərə və Kəlbəcər rayonları,
həmçinin, Suqovuşan və İstisuda çəkilişlərin aparılması nəzərdə
tutulur.
Qeyd edək ki, fevralın 27-dən başlayan səfər martın 1-dək davam
edəcək.