Azərbaycanın Gürcüstandakı səfiri Faiq Quliyev türkiyəli həmkarı
Fatma Ceren Yazqanla birgə 9 Aprel faciəsi qurbanlarının xatirəsini
anıb.
Səfirlər qanlı hadisə qurbanlarının xatirəsinə parlamentin binası
qarşısında ucaldılmış abidəni ziyarət ediblər.
Onlar memorialın önünə əklil qoyaraq Gürcüstanın müstəqilliyi
uğrunda şəhid olanların xatirəsini ehtiramla yad ediblər.
Xatırladaq ki, bu gün 1989-cu ilin 9 Aprel hadisələrindən 32 il
ötür. Həmin gün Sovet İttifaqının hərbi qüvvələrinin bir hissəsi
Tbilisinin mərkəzində Gürcüstan parlamentinin binası yaxınlığında
müstəqillik tələbi ilə keçirilən dinc aksiyanı amansızlıqla
dağıdıb. Nəticədə 18-i qadın olmaqla 21 nəfər həlak olub, minlərlə
insan mənşəyi məlum olmayan qazdan zəhərlənib.
Mənbə: report.az