Gürcüstanın üçüncü prezidenti Mixeil Saakaşvili "Vahid Milli
Hərəkat"-ın üzvü Nika Melianın azadlığa buraxılmasından sonra
Avropa Şurasının Prezidenti Şarl Mişelin təqdim etdiyi sənədi
imzalamağa çağırıb.
"Şəxsən mənim üçün partiyamızın sədri Nika Melianın da Qiorqi Rurua
kimi həbsxanadan azad edilməsi çox vacibdir. Bəzi siyasi
məhbusların siyasi təqibləri dayanmalıdır. Bu qeyd-şərtsiz
olmalıdır. Nika Melia həbsxananı alçaldıcı şərtlər olmadan, girov
olmadan, istədiyi kimi tərk etməlidir. Çünki orada qanunsuz və
günahsız şəkildə oturur. Ancaq həbsxananı bu şərtlər altında tərk
etdikdən sonra “Vahid Milli Hərəkat”-ı bu müqaviləni imzalamağa
çağırmaq istəyirəm", – Saakaşvili bildirib.