20 iyun tarixində Bakıda təşkil olunacaq “Khojaly Global Promotion – 3 CUP” yarışına Gürcüstan idmançıları da dəvət alıblar. Bu barədə “Marneuli” radiosu ilə söhbəti zamanı “Gürcüstan Azərbaycanlı İdmançılar Birliyi”-nin sədri Tofiq Əkbərəov məlumat verdi. Onun sözlərinə görə, "Gürcüstan Azərbaycanlı İdmançılar Birliyi" tərəfindən yarışa Gürcüstandan iki idmançı göndəriləcək. Onlar 65 kq-da Emil Xəlilov və 75 kq-da Davit Cavaxiadır.

“Dalga Beach Aquapark Resort” Ailəvi İstirahət Mərkəzində baş tutacaq turnirdə peşəkar Boks, Kung-Fu, MMA, MUAY THAI və K-1 üzrə yarışlar keçiriləcək.

Qeyd edək ki, Bakıda keçiriləcək yarış “Khojaly Global Promotion” şirkətinin təşkilatçılığı ilə baş tutacaq. Şirkətin əsas məqsəd peşəkar idmançıların yetişdirilməsi və Xocalı həqiqətlərini dünyaya çatırılmasından ibarətdir.