Tsereteli sakinləri kanalizasiya sistemi dəyişdirilənə qədər çirkli sudan istifadə etməli olacaqlar
17:58 / 13.10.2021
Marneuli bələdiyyəsinin Tsereteli kəndində içməli su problem bu
günə qədər qalmaqdadır. Davit Kveladze təxminən 25 ildir ki,
Tsereteli kəndində yaşayır və illərdir suyun keyfiyyətindən
danışır.
O, bildirdi ki, krandan içməli su çirkli gəlir və içində xırda qum
olur. Buna görə isə ailə tez-tez su nasosunu dəyişməli olur.
“Təxminən 25 ildir burada yaşayıram. Bu müddət ərzində kənddə
həmişə su problem olub. 2008-ci ildə boruları dəyişdilər və bundan
sonra artıq çirkli gəlir. Xlorludur, ancaq qumludur. Bu qabda da
görünür. Ötən illərdə içində ot da olurdu. Hətta bir dəfə qurd da
görmüşdük. Suyu stəkana süzdükdə, dibinə qum çökür. Bəzən içmək
üçün yararsız olur və su almalı oluruq. Içməli su gələn krana nasos
və filtrlər qoymuşam. Neçə gündən bir filtrləri təmizləyirəm. çünki
qumla dolur. Buna görə, ildə bir neçə dəfə nasosun beyni yanır və
dəyişməli oluram. Daha bir problem var. Su qaydaya əsasən həftədə
üç dəfə verilir. Ancaq elə günlər olur vermirlər və əhalinin
problem yaranır”, – Davit Kveladze bildirdi.
Marneuli bələdiyyə rəhbərliyi uzunillik problemlər barədə bilir.
Marneuli “Kənd Suları” MMC-dən bildirdilər ki, suyun qrafiki yalnız
qəzalı vəziyyət olanda qarışır. Qeyd etdilər ki, davamlı şəkildə
suyun keyfiyyəti yoxlanılır və baketriyalar yoxdur.
“Suyun keyfiyyətinə gəldikdə, qeyd edim ki,
laboratoriya baxımından tez-tez yoxlanılır. Bu gün də gəlmişdilər
və müvafiq işlər həyata keçirildi. Ən əsası odur ki, suda bakteriya
çöpləri yoxdur. Qum ola bilsin quyudan gedib, ancaq buna da şübhə
edirəm. Hələ də su və kanalizasiyalar layihəsinin tikintisi
aparılır. Başa çatdıqdan sonra bu problemin həllinə
başlanılacaq”, – “Kənd Suları” MMC-dən
bildirdilər.
İki ildən artıqdır ki, Marneulidə su təchizatı-kanalizasiyaların
tikintisi aparılır. Ancaq layihənin başa çatacağı vaxt məlum
deyil.
Nasos stansiyalarının və hovuzların tikintisi, mərkəzi boru
sisteminin, yeni kanalizasiya sisteminin quraşdırılması nəzərdə
tutulub. Asiya İnkişaf Bankı “Su təchizatı-kanalizasiya sisteminin
tikintisi” layihəsinə “Şəhər xidmətinin yaxşılaşdırılmasına sərmayə
qoyulması” proqramı çərçivəsində 55 940 022 dollar ayırıb. Tikinti
işlərini Azərbaycan şirkəti “Akelik Group” həyata keçirir..