Sosial Ədalət Mərkəzi analitik sənəd yayımlayıb. Sənəd Kvemo Kartli
və Samtsxe-Cavaxeti regionlarında seçki proseslərinin müşahidəsi
əsasında hazırlanıb.
Sosial Ədalət Mərkəzi seçki günü Kvemo Kartlidə və
Samtsxe-Cavaxetidə Marneuli, Qardabani, Bolnisi, Dmanisi,
Axalkalaki, Ninotsminda bələdiyyələrində işləyirdi.
Kvemo Kartlidə əsas siyasi aktor olaraq, “Gürcü Arzusu” və “Vahid
Milli Hərəkat”, Samtsxe-Cavaxetinin bələdiyyələrində isə - “Gürcü
Arzusu”, “Vahid Milli Hərəkat”, “Avropalı Gürcüstan” və “Qaxaria
Gürcüstan naminə” nəzərə çarpırdı. Hər iki regionda “Gürcü
Arzusunun” mer vəzifəsinə namizədləri birinci turda qələbə
qazandılar. Kvemo Kartlinin qeyd edilən bələdiyyələrində heç bir
siyasi partiya 3%-lik barieri aşa bilmədi. Yalnız Dmanisidə
“Tərəqqi və Azadlıq” siyasi partiyası bu barieri aşıb və bir nəfər
Bələdiyyə Məclisi üzvü keçib. Axalkalakidə “Gürcü Arzusu” və “Vahid
Milli Hərəkat”-dan əlavə “Avropalı Gürcüstan”, “Lelo” barieri aşıb.
Ninotsmindada isə Qaxarianın partiyası və “Avropalı Gürcüstan”
barieri keçib. Hər bir bələdiyyədə seçkilərin ilkin nəticələrinə
görə, Bələdiyyə Məclisinin etnik göstəricisi belədir:
Marneuli Bələdiyyə Məclisi: 21 qeyri-dominant etnik qrup
nümayəndəsi və 12 dominant qrup nümayəndə. (Azlıqların iştirakı 4
nümayəndə ilə artıb).
Sosial Ədalət Mərkəzi hesab edir ki, Marneuli Bələdiyyə Məclisində
azlıqların sayının artırılmasının səbəblərindən biri, ola bilsin,
yerli fəalların və mülki təşkilatların fəal olması, tənqid idi.
Həmçinin, Bələdiyyə Məclisində etnik azlıq nümayəndəsi olan
qadınların təmsil edilməsi də artırılıb və əgər 2017-ci ilin
Marneuli Bələdiyyə Məclisində heç bir azlıq nümayəndəsi olan qadın
yox idisə, 2021-ci il seçkilərindən sonra Marneuli Bələdiyyə
Məclisində etnik azlıq nümayəndəsi olan 5 qadın olacaq.
“Ümumi tendensiyaya baxmayaraq bizim müşahidəmizə görə,
Kvemo Kartli və Samtsxe-Cavaxetidə siyasi proseslər, seçicilərin
davranışı eyni olmayıb. Kvemo Kartlidə, mövcud gərgin vəziyyətə
baxmayaraq, siyasi proseslər daha dinamikdir. Bu regionda müxalifət
nisbətən, artıq və uzunmüddətli təmsil olunur və dəstəklənir. Digər
tərəfdən isə Samtsxe-Cavaxeti regionunda siyasi proseslər zəifdir,
fəal deyil. Həmçinin, Samtsxe-Caxaveti Kvemo Kartli ilə müqayisədə
vətəndaş fəallığı baxımından çox zəifdir və Cavaxetidə yerli
aktivst qruplar, özünütəşkiletmə təcrübəsi və icma liderləri əsasən
görünməz olaraq qalırlar”, – Sosial Ədalət Mərkəzi
yazır.
Sosial Ədalət Mərkəzi hesab edir: Etnik azlıqların məskunlaşdığı
regionlarda demorkatik iştirak və qoşulma üçün real şərait
yaradılması mühümdür. Hakim siyasi partiyalar bu regionların və
xalqın siyasi alətə çevrilməsindən imtina etsinlər. Siyasi alətə
çevirmək bu regionların geridə qalmasının və nəzarətin mərkəsi
siyasi səbəbi olaraq qalır. Siyasi partiyaların bu regionlarda
seçki maraqlarından transformasiya maraqlarının təsis edilməsinə
keçməsi çox mühümdür. Onlara inteqrasiya və sosial dəyişikliklər
üçün yerində daha ciddi və gündəlik siyasi fəaliyyətin əhəmiyyəti
barədə məlumat versinlər.