Daxili İşlər Nazirliyinin Mərkəzi Kriminal Polis Departamenti və
Xüsusi Tapşırıqlar Departamentinin əməkdaşları Baş Prokurorluqla
əməkdaşlıq edərək kompleks əməliyyat-axtarış və intensiv istintaq
tədbirləri nəticəsində son 10 gündə Tbilisidə 11 narkotik
alverçisini saxlayıblar.
Bu barədə Daxili İşlər Nazirliyinin Mərkəzi Cinayət Polis
İdarəsinin rəisi Mamuka Qelidze bu gün Nazirlikdə keçirilən
brifinqdə bildirib.
Onun sözlərinə görə, Poniçala qəsəbəsində aşağıdakı şəxslər
saxlanılıb: 2001-ci il təvəllüdü D.M., 1989-cu ildə A.A. və 1983-cü
il təvəllüdlü Z.A 1994-cü il təvəllüdlü xarici ölkə vətəndaşı İ.Z.,
1987-ci il təvəllüdlü D.D., 1967-ci il təvəllüdlü A. A., 1988-ci il
təvəllüdlü R.G., 1972-ci il təvəllüdlü R. Z., 1970-ci il təvəllüdlü
A.M., 1956-cı il təvəllüdlü V.M., 1989-cu il təvəllüdlü L.S.
“Aparılan istintaq nəticəsində müəyyən edilib ki,
təqsirləndirilən şəxslər sistematik olaraq vətəndaşlara narkotik
vasitələri satıblar. Məhkəmə qərarı əsasında, hüquq-mühafizə
orqanları narkotik vasitələri - "Heroin", "Alpha-PvP" və
"Buprenorfin"-in bir neçə dəfə nəzarət alqı-satqısını və bu
alqı-satqıların gizli audio-video qeydlərini həyata keçiriblər.
Hüquq-mühafizə orqanlarının əməkdaşları Poniçala qəsəbəsində,
hakimin qərarı əsasında təqsirləndirilən Z.A-nin yaşayış evində
aparılan axtarış nəticəsində 3 ədəd "heroin" narkotik vasitəsi və
narkotik maddələrin qablaşdırılması üçün zəruri olan əşyalar aşkar
ediblər: Elektron tərəzi və qaşıq. Təqsirləndirilən Q.Z -nin şəxsi
yoxlaması zamanı polis 3 paket narkotik vasitə - "heroin"
götürüb.
Saxlanılan xarici ölkə vətəndaşı İ.Z-nin şəxsi axtarışları
nəticəsində hüquq-mühafizə orqanları 1000 lari məbləğində pulu və
müvəqqəti yaşayış evindəki axtarış nəticəsində 3 ədəd narkotik
vasitəni sübut kimi götürüblər.
Faktla bağlı Gürcüstan Cinayət Məcəlləsinin külli miqdarda narkotik
vasitənin qanunsuz olaraq alınması-saxlanması və satılmasını
nəzərdə tutan 260 və 273-cü maddələri ilə istintaq aparılır.
Törədilmiş cinayətə görə, 8 ildən 20 ilədək və ya ömürlük həbs
cəzası nəzərdə tutulur", - deyə Mamuka Qelidze
bildirib.