Tbilisi Şəhər Məhkəməsi Saakaşvilinin ölkəyə daxil olması işi ilə bağlı saxlanılan dördüncü vətəndaş Qiorqi Narimanidzeyi də həbs cəzasına məhkum edib.


Mixeil Saakaşvilinin işi üzrə aparılan istintaq çərçivəsində polis oktyabrın 20-də Narimanidzeni cinayəti ört-basdır etmək ittihamı ilə saxlayıb. Bundan əvvəl hadisə ilə bağlı Saakaşvilidən başqa 3 nəfər saxlanılmışdı.

Faktla bağlı Gürcüstan Cinayət Məcəlləsinin 375-ci maddəsinin ağır cinayətin ört-basdır edilməsini nəzərdə tutan ikinci hissəsi ilə istintaq aparılır. Törədilmiş cinayətə görə, 4 ilə qədər azadlıqdan məhrumetmə cəzası nəzərdə tutulur.