Pfizer-dən verilən məlumata görə Pfizer/BioNTech peyvəndinin Baster
dozası virusa qarşı 95,6% effektivliyə malikdir. Şirkət bununla
bağlı neçə saat əvvəl 10 000 nəfər 16 yaş və üzəri insanların
iştirak etdiyi press-reliz yayımlayıb. Hələlik bu məlumatlar
şirkətin yayımladığı press-relizə əsaslanır.
"Randomizə edilmiş və nəzarət altına alınmış tədqiqatın ilkin
nəticələri, Delta Koronavirus ştamının yayıldığı dövrdə virusa
qarşı covid-19 buster peyvəndinin 95,6%-lik təsirli olduğunu
göstərdi", - deyə şirkətin bəyanatında qeyd
edilib.
Klinik araşdırmanın ilkin nəticəsi ABŞ-ın qida və dərman vasitələri
adminstrasiyası (FDA) Moderna və Johnson & Johnson-un buster
dozalarının tətbiqinə icazə verdikdən sonra əldə edilib.
Pfizer şirkətindən verilən məlumata görə peyvəndin iki dozasını
qəbul etdikdən sonra onun təsiri tədricən azalır. Pfizer tərəfindən
istina edilən araşdırmaya görə, əgər iki dəfə peyvənd edildikdən
sonra onun təsiri 2 həftə keçibsə 96%, 4 həftə keçibsə 84%-ə qədər
düşür. Məhz bu səbəbdən ölkələr buster dozasının alınmasından bəhs
edirlər.
Bu gün Pfizer tərəfindən nəşr olunan məlumatlara görə, ikinci doz
və Buster (və ya plasebo) arasındakı orta vaxt təxminən 11 ay olub.
Araşdırmaya görə buster qəbul edən qrupda cəmi beş COVİD-19,
plasebo qrupunda isə 109 hadisə qeydə alınıb.
İştirakçıların orta yaşı 53, 55,5 % - i 16 yaşdan 55 yaşadək, 23,3%
- i isə 65 yaş və yuxarı yaşlı insanlar olub.
Pfizer/BioNTech klinik araşdırmnın daha ətraflı nəticələrini
tezliklə 16 yaş və yuxarı vətəndaşların Buster dozadan istifadə
etməsinə icazə almaq məqsədilə FDA-ya təqdim edəcək.