Gürcüstanın Müdafiə Nazirliyinin nəzdindəki “Delta” hərbi
elmi-texniki mərkəzdə NATO standartlarına uyğun GI -4 (5.56)
avtomatlarının istehsalına başlanılıb.
Müasir silahların istehsalı bu gün açılan Gürcüstan-İsrail birgə
müəssisəsində həyata keçiriləcək.
Gürcüstanın Baş naziri İrakli Qaribaşvili və müdafiə naziri Cuanşer
Burçuladze bu gün müəssisəyə baş çəkib və istehsal prosesinə baxış
keçiriblər.
Müasir avadanlıqla təchiz edilmiş müəssisənin buraxacağı silahlar
həm Gürcüstanın müdafiə qüvvələri, həm də ixrac üçün nəzərdə
tutulub.
Gələcəkdə digər silah-sursatların da istehsalı planlaşdırılır.