Türkiyədə qasırğa nəticəsində 4 nəfər dünyasını dəyişib (VİDEO)
09:54 / 30.11.2021
Türkiyə mətbuatının məlumatına görə, noyabrın 29-da güclü külək
nəticəsində 4 nəfər dünyasını dəyişib, ən azı 38 nəfər yaralanıb.
Türkiyə Meteorologiya Xidmətinin (TSMS) məlumatına görə, Mərmərə,
Egey və Qərbi Qara dəniz bölgələri ilə İç Anadolunun şimal-qərbində
leysan yağışları və külək davam edəcək.
Fırtına ilə əlaqədar ötən günü İstanbulda palçıqlı leysan yağışı da
qeydə alınıb.
Bursada da güclü külək əsib. Fırtına evlərin damını uçurub. Fırtına
nəticəsində yaşayış evinin dam örtüyü uçaraq şəhər tramvayının
üzərinə düşüb.
Sinoptiklər bu gün də Qara dənizin qərb bölgəsində qasırğanın hələ
də davam edəcəyini proqnozlaşdırırlar.