Baş nazir İrakli Qaribaşvilinin sözlərinə görə, ümumilikdə bir
milyon yetkin şəxs üçün qumarda iştirak qadağan ediləcək.
O, bu barədə hökumətin iclasında bildirib.
“Bu gün biz maliyyə naziri tərəfindən hazırlanmış qumar biznesinin
yeni reqlamentini təqdim edirik. Onlayn qumar biznesi üçün yeni
vergitutma tətbiq ediləcək və sektorun ümumi vergitutma bazası
65-70% artacaq. İkinci məsələ yaş həddi ilə bağlıdır. Yaşı 25-dən
az olan vətəndaşlara qumarda iştirak etmək qadağandır. Həmçinin, bu
məhdudiyyət dövlətdən yardım alan sosial cəhətdən həssas insanlara,
dövlət məmurlarına, özünüməhdudlaşdırma mexanizmindən istifadə
etmək xahişi ilə Vergilər Xidmətinə müraciət edən şəxslərə, habelə
ailə üzvlərinin tələbi və məhkəmənin qərarı ilə “Qara siyahı”ya
düşəcək şəxslərə şamil edilir. Ümumilikdə, qumar oynamaq imkanı
məhdud olacaq insanların dairəsi 1 milyon həddi-büluğa çatmış
insanı nəzərdə tutur və üçüncü məsələ - reklamın
məhdudlaşdırılması. Qumar biznesinin bütün televiziya reklamları,
eləcə də bayır reklamı və Gürcüstan saytlarında reklamının
yerləşdirilməsi qadağan olunacaq. Qumar biznesi operatorlarına
yalnız sponsorlar haqqında müqavilə imzalamağa icazə veriləcək, bu
əsasən idmana aid edilə bilər", - deyə İrakli
Qaribaşvili bildirib.