Çində 106 yaşlı kişi koronavirusa qarşı peyvənd olunub. O, dünyanın
ən yaşlı peyvənd olunan insanıdır. Bu barədə Çin Xalq
Respublikasının Gigiyena və Sağlamlıq üzrə Dövlət Komitəsinin
nümayəndəsi Jen Junvey brifinqdə bildirib.
Onun sözlərinə görə, peyvənd kampaniyası çərçivəsində çinli
həkimlər 60 yaşdan yuxarı 500 milyondan çox insanı peyvənd
edib.
O, həmçinin qeyd edib ki, Çin peyvəndləri yaşlılarda yüksək
səviyyədə təhlükəsizlik nümayiş etdirib. Bundan əlavə, bu yaş
qrupundakı vətəndaşlarda əlavə təsirlərin tezliyi 18-59 yaşlı
insanlardan xeyli aşağıdır.
Bu gün 1,41 milyard əhalisi olan Çində 1,1 milyarddan çox insan
peyvənd olunub. Ölkədə ən çox yayılmış peyvəndlər əczaçılıq
şirkətləri olan Sinopharm və Sinovac tərəfindən hazırlanır.