Cənubi Afrikada koronavirusun yeni ştammı olan “Omikron”un
yayılmasının episentrinə çevrilən Tsvane rayonunda uşaqlar arasında
xəstəxanaya yerləşdirilmə nisbətinin kifayət qədər yüksək olduğu
bildirilir. Bu haqda məlumatı Bloomberg yayıb.
Cənubi Afrikadakı Milli Yoluxucu Xəstəliklər İnstitutunun sağlamlıq
mütəxəssisi Vaasila Jassatın sözlərinə görə, korovirusun yeni
ştammı ilə pandemiyanın ilkin mərhələlərində olduğundan daha çox
iki yaşa qədər olan uşaqlar yoluxur.
O, analoji tendensiyanın koronavirus epidemiyasının üçüncü dalğası
zamanı, koronavirusun “delta” ştammının üstünlük təşkil etdiyi
dövrdə müşahidə edildiyini bildirib.
"Kiçik uşaqlarda immun sistemi çox zəifdir, üstəlik, onlar
koronavirusa görə peyvənd olunmurlar, ona görə də onlar daha çox
risk altındadırlar", - deyə Casat izah edib.
Eyni zamanda, o, xəstəxanaya yerləşdirilənlərin sayının artmasına
valideynlərin "Omikron"la bağlı narahatlığının təsir göstərə
biləcəyini bildirib.