Gürcüstanın paytaxtı Tbilisidə iki İran vətəndaşı dəm qazından
zəhərlənərək ölüb.
Hadisə paytaxtın Şartava küçəsində qeydə alınıb.
Məlumata görə, yaşı 40-dan az olan iki İran vətəndaşı kirayə
qaldıqları mənzildə düzgün quraşdırılmayan suqızdırıcı sistemdən
sızan dəm qazından boğularaq ölüb.
Onların hər ikisinin kişi olduğu bildirilib.
Hadisə ilə əlaqədar Gürcüstan Daxili İşlər Nazirliyi tərəfindən
istintaq başlanılıb.