“Lelo”nun üzvü Ana Natsvlişvilinin sözlərinə görə, təhsil naziri
Mixeil Çxenkeli reallığı əldən verib.
O, bunu bu gün, dekabrın 1-də Çxenkelinin parlamentdə dinləmələri
zamanı deyib.
Natsvlişvilinin sözlərinə görə, nazir təhsil sistemindəki real
çətinliklərdən danışmayıb.
“Komandanızın sizə qarşı çox kinli olduğu, siz
gəlməmişdən əvvəl salona çox aydın mesaj göndərdi ki, bu ölkədə
təhsilin mənası yoxdur - bir neçə dəqiqə əvvəl komandanız Ali
Məhkəmədə ən yüksək vəzifələrdə olan insanlara dəstək verdi, elə
insanlara ki nə təhsili, nə də ixtisası olmayan və bununla sizi
alçaltdılar.
İndi sizin hesabatınıza gəlincə. Çikaqo Universiteti ilə əməkdaşlıq
və nüvə tədqiqatlarında iştirakımız yaxşıdır. Bəs biz nüvə
tədqiqatlarından, bu sahədə əməkdaşlıq nailiyyətlərindən danışanda,
siz dövlət məktəblərinin çox böyük bir hissəsinin tualetində suyu
olmayan, uşaqlarının ac oturduğu bir ölkədə təhsil naziri olanda
hesabatınız yanlış deyilmi? Buradakı həmkarlarımdan heç biri
mənimlə bunun düzgün olmayan qidalanma olduğu haqda mübahisə
etməsin.
Uşaq bunu deyəndə ac olduğunu deyir. O, terminlərlə oynamağa
başlamır və beləliklə məktəbə gedir. Siz zorakılıq və sosial
təminatsızlıq səbəbindən çox sayda uşağın təhsil sistemini tərk
etmək məcburiyyətində qaldığı təhsilin nazirisiniz. Siz isə Çikaqo
Universiteti ilə müəyyən əməkdaşlıqdan söz açırsınız. Əslində isə
siz reallıqdan çox uzaqdasınız", - deyə Natsvlişvili
Çxenkeliyə müraciət edib.