Azərbaycan Gürcüstana 89,6 ton çirklənmiş kartof qaytarıb.
Bu barədə Trend portalı Azərbaycanın Qida Təhlükəsizliyi
Agentliyinə istinadən məlumat yayıb.
Qurumdan verilən məlumata görə, hüquqi şəxs olan “ZE-DENT” MMC
tərəfindən ölkəyə gətirilən kartof partiyasına baxış zamanı
məhsuldan nümunələr götürülüb.
Qida Təhlükəsizliyi İnstitutunun laboratoriyasında aparılan
təhlillər zamanı məhsulda zərərvericinin, kartof nematodunun
(Ditylenchus destructor Thorne) olması müəyyən edilib.