“Bidzina İvanişvili müasir Gürcüstan tarixində
ləyaqətlə təqdim edilməlidir və müvafiq dərsliklərdə də belə
olacaq”,
- deyə təhsil və elm naziri Mixeil Çxenkeli bildirib.
Onun sözlərinə görə, dərsliklərin yazılması prosesi şəffafdır və
hər kəsin maketləri görmək imkanı var.
“Əvvəlki hakimiyyət dövründə təhsil və elmin qəsdən
məhv edilməsində iştirak etmiş şəxslər tərəfindən yalan
məlumatların yayılması qətiyyən yolverilməzdir.
Həmçinin ictimaiyyətin nəzərinə çatdırmaq istəyirəm ki,
dərsliklərin yazılması prosesi tam şəffafdır, hər kəsin təqdim
olunan dərsliklərin maketlərini görmək, öz fikirlərini bildirmək
imkanı var.
Sertifikatlaşdırma prosesində aparıcı mütəxəssislərimiz iştirak
edir və buna görə də yüksək keyfiyyətli dərsliklərimiz var.
Ölkəmizin inkişafında cənab Bidzina İvanişvilinin böyük rolunu
xüsusilə qeyd etmək istərdim. Təbii ki, Bidzina İvanişvili tarixi
əhəmiyyətə malik insan və son dərəcə böyük xeyriyyəçidir. Buna görə
də, bu, müasir Gürcüstanın tarixində ləyaqətlə təqdim edilməlidir
və müvafiq dərsliklərdə də belə olacaq”, - deyə
Mixeil Çxenkeli bildirib.