Tbilisi meri Kaxa Kaladzenin sözlərinə görə, artan sərnişin axını nəzərə alınmaqla, bələdiyyə nəqliyyatına beş yeni avtobus marşrutu və üç yeni mikroavtobus marşrutu əlavə olunacaq.

“Biz böyük islahata başlamışıq, onun çərçivəsində köhnə avtobusları tamamilə dəyişib, yeniləmişik. Həmçinin mikroavtobuslar tamamilə yenilənib. Yeni marşrutlarımız var, çoxlu xəbərlər var. Təbii ki, bəzi narahatlıqlar ola bilər, lakin Tbilisi meriyası nəqliyyat xidmətlərinin yaxşılaşdırılması üçün daim monitorinq aparır. Müşahidələr nəticəsində iyunun 4-dən paytaxtda yeni avtobus və mikroavtobus marşrutlarını işə salmaq qərarına gəldik.

Müəyyən marşrutlar üzrə hərəkət intervallarının azaldılması istiqamətində tədbirlər nəzərdə tutulub. Sərnişin axınının artması nəzərə alınaraq, müxtəlif istiqamətlərdə nəqliyyatın yaxşılaşdırılması üçün beş yeni avtobus marşrutu və üç yeni mikroavtobus marşrutu istifadəyə veriləcək”, - Tbilisi meri bildirib.

Meriyanın yaydığı məlumata görə, aşağıdakı avtobus marşrutlarının fəaliyyətə başlaması planlaşdırılır:

N293 marşrutu Didi Diqomi qəsəbəsi üçün nəzərdə tutulmuşdur; N294 avtobusu N444 mikroavtobusu əvəz edəcək; Həmçinin, N295 avtobusu N546mikroavtobusu əvəz edəcək; N296 marşrutu mikroavtobusun N544 marşrutunu əvəz edəcək; N297 avtobusu N425 mikroavtobusunu əvəz edəcək.

Bundan əlavə, üç yeni mikroavtobus marşrutu fəaliyyətə başlayacaq:

425 nömrəli mikroavtobus Metromşeni qəsəbəsinə xidmət göstərəcək. 444 saylı mikroavtobus dəniz akvatoriyasının qəsəbəsinə xidmət göstərəcək, N546 mikroavtobus isə İkalto dağından metronun “Texniki Universitet” stansiyasına qədər hərəkət edəcək.