2021-ci ildə Gürcüstan əhalisinin orta aylıq gəliri (nağd və nağdsız) 1 360,2 milyon lari təşkil edib ki, bu da 2020-ci ilin analoji göstəricisindən 13,9 faiz çoxdur. Bu barədə məlumatı Milli Statistika İdarəsi yayıb.

Məlumata görə, 2021-ci ildə bir ailənin orta aylıq gəliri 11 faiz artaraq 1221,8 lariyə, adambaşına isə 13,5 faiz artaraq 364,8 lariyə çatıb.

Sorğunun nəticələrinə görə, ev təsərrüfatlarının əsas gəlir mənbəyini nağd gəlirlər və transfertlər təşkil edir ki, bu da 2021-ci ildə ötən illə müqayisədə 0,8 faiz bəndi azalaraq 86 faiz təşkil edib.

“Şəhər tipli qəsəbələrdə ölkə əhalisinin ümumi orta aylıq gəliri 12,7 faiz artaraq 842,6 milyon lari, kənd tipli qəsəbələrdə isə 15,8 faiz artaraq 517,6 milyon lari təşkil edib. 2021-ci ildə pul gəlirlərinin və transfertlərinin strukturu muzdlu əməkdən əldə edilən gəlirlərin əhəmiyyətli hissəsini hələ də tutur ki, onun xüsusi çəkisi ötən ilin müvafiq dövrü ilə müqayisədə 1,9 faiz bəndi azalaraq 45,9 faiz təşkil edib.

Özünüməşğulluqdan əldə olunan gəlirlərin xüsusi çəkisi də 0,8 faiz bəndi artaraq 10,2 faiz təşkil edib. Bununla yanaşı, pensiya, təqaüd və sosial yardımlardan daxilolmaların xüsusi çəkisi əvvəlki ilin müvafiq dövrü ilə müqayisədə 0,8 faiz bəndi azalaraq 22,6 faiz təşkil edib.

2021-ci ildə Gürcüstan əhalisinin orta aylıq xərcləri 1 289,5 milyon lari təşkil edib ki, bu da əvvəlki ilin müvafiq göstəricisindən 14,4 faiz çoxdur.

Sorğunun nəticələrinə görə, bir ailəyə düşən orta aylıq xərclər 11,5 faiz artaraq 1158,3 lari, adambaşına düşən xərclər isə 14,0 faiz artaraq 345,9 lari olub.

2021-ci ildə ev təsərrüfatlarının istehlak pulu xərclərinin ümumi xərclərdə xüsusi çəkisi əvvəlki illə müqayisədə demək olar ki, dəyişməyərək 70,1 faiz təşkil edib.

Ölkə əhalisinin şəhər tipli qəsəbələrdə ümumi xərcləri 11,7 faiz artaraq 798,3 milyon lariyə, kənd tipli qəsəbələrdə isə 19 faiz artaraq 491,2 milyon lariyə çatıb. 2021-ci ilin məlumatlarına görə, istehlak pulu xərclərinin strukturunda ən böyük pay hələ də 43,7 faizlə qida məhsulları, içkilər və tütün məmulatlarına edilən xərclərdir”, - “Milli Statistika İdarəsinin” məlumatında deyilir.