Texniki Universitetin əməkdaşı maaşları mənimsədiyinə görə
saxlanılıb - 1 milyon 288 min lari mənimsənilib.
Məlumatı Gürcüstan Prokurorluğu yayıb.
Araşdırma zamanı məlum olub ki, Texniki Universitetin Maliyyə
şöbəsinin baş mütəxəssisi - M.A. müxtəlif vaxtlarda əmək haqqı
bazalarını doldurarkən əmək haqqının hesablanması üçün Texniki
Universitetin işçilərinin şəxsi məlumatlarını, onların əmək haqqı
hesabı əvəzinə isə öz bank hesabını göstərib, nəticədə göstərilən
vəsait onun hesabına daxil olub.
Bundan əlavə, təqsirləndirilən şəxs əmək haqqının yazılması üçün
hazırladığı sənəddə əmək haqqının hesablanması üçün tanışlıq
dairəsindən işə qəbul edilən şəxslərin şəxsi məlumatları və bank
hesablarının nömrələrini göstərmiş, nəticədə təqsirləndirilən
şəxsin tanışları, Gürcüstan Texniki Universitetinin işçisi
olmayanlara maaş verildiyi iddia edilir.
Bu hərəkətləri ilə təqsirləndirilən şəxs cinayətkar qrupun digər
üzvləri ilə birlikdə Gürcüstan Texniki Universitetinə məxsus 1
milyon 288 min lari dələduzluq yolu ilə ələ keçirib. M.A.-ya qarşı
ittiham irəli sürülüb və onu 6 ildən 9 ilədək həbs cəzası
gözləyir.
Mənbə: tv4.ge