“Türkiyə, Azərbaycan və Gürcüstan arasında mədəniyyət
sahəsində əlaqələr daha da inkişaf etdirilə bilər. Niyə birgə
filmlər istehsal olunmasın?”
Bunu Türkiyənin Gürcüstandakı səfiri Fatma Ceren Yazqan deyib.
Onun fikrincə, üçtərəfli əməkdaşlığı daha da genişləndirmək üçün
görüləcək çox iş var:
“Amma bunu yalnız dövlət və
hökumət etməməlidir. Bu istiqamətdə dövlətin və hökumətlərin bəlkə
də ən böyük töhfəsi vəsait təmin etmək olar, çünki hər şey maddi
dəstəyə bağlıdır. Hesab edirəm ki, üçtərəfli iş birliyini regionun
digər ölkələri və xalqları ilə əməkdaşlığa çevirmək, bölgə
hüdudlarından kənarda da tanıtmaq lazımdır”.
Diplomat ana dilinin tədrisi, üç ölkənin Təhsil nazirlikləri
arasında əməkdaşlığı, tarix, ortaq tarix, yüksək texnologiyalar,
biznes sahələrində də üçtərəfli iş birliyinin qurulmasını mümkün
hesab edir:
“Müxtəlif sahələrdə üçtərəfli əməkdaşlıq
inkişaf etdirilsə, bu, ikitərəfli münasibətlərə də müsbət təsir
göstərəcək”.
Türkiyənin Gürcüstandakı səfiri Fatma Ceren Yazqanın geniş
müsahibəsini buradan oxuya bilərsiniz.