2019-cu ilin iyul ayından Gürcüstanda istənilən qalınlıqda plastik torbaların istehsalı, idxalı və satışı qadağandır, lakin bazarda plastik torbaların istehsalı və satışı hələ də davam edir.

“60-a qədər müəssisə polietilen torbaların istehsalı ilə əlaqədar bağlanıb”, - deyə Ekologiya və Kənd Təsərrüfatı Nazirliyindən bildirilib.

Nazir müavini Solomon Pavliaşvilinin sözlərinə görə, ən böyük problem distribyutorların və pərakəndə satış şəbəkələrinin yoxlanılmasıdır. Buna uyğun olaraq, Pavliaşvili bələdiyyə yoxlamalarını nəzarət mexanizmlərini gücləndirməyə çağırır. Onun sözlərinə görə, əsas ticarət şəbəkələrindən qanunla qadağan olunmuş polietilen torbaların satışının dayandırılması üçün hər kəs normativ-hüquqi aktların qoyduğu öhdəliyi yerinə yetirməlidir.

“Bir ay əvvəl aparılan yoxlama nəticəsində yenidən polietilen torba istehsalı ilə məşğul olan 60-a yaxın müəssisə aşkarlanıb. Möhürləndilər, satılmasın deyə polietilen torbalar da çıxarıldı. İdxallara gömrük nəzarəti həyata keçirilir. Müəssisələrə Nazirlik, distribütorlara və pərakəndə satışlara isə bələdiyyə müfəttişlikləri nəzarət edir.

Buna kompleks şəkildə yanaşmasaq, yoxlamaq çox çətin olacaq. Düşünürəm ki, hər kəs öz üzərinə düşən məsuliyyəti götürür, gömrük işi, zəif tərəfi bələdiyyə yoxlamalarıdır. Buna görə də bələdiyyələr polietilen paketləri ticarət şəbəkələrindən yığışdırıb yoxlamalıdırlar. Nə nazirlik, nə də gömrük bunu yoxlaya bilmir. Hər kəs nizamnamədə nəzərdə tutulmuş öhdəlikləri yerinə yetirməlidir”, - ətraf mühitin mühafizəsi və kənd təsərrüfatı nazirinin müavini Solomon Pavliaşvili bildirib.